| "die ander ek" deur CHARL DURAND [boodskap #34766] |
Mon, 25 September 2000 03:09 |
|
|
Oorspronklik gepos deur: @home.com
die ander ek
Charl Durand
dis 'n ander stad
wat voor die venster verbyleef
waar ek vandaan kom
dra posmanne ander kleure
en die weer is altyd mooi
ek leef 'n ander stad, 'n soort karakter
in 'n play wat nie ek is nie
soms pas dit my fyn
andermale lê ek wakker snags
en wonder of ek syne is
in die ander stad is als te kope
maar as jy iets laat val moet jy betaal
ek sukkel met die kleingeld
en winters is die bome blaarloos
in my hart soek ek na 'n platteland
die water in die krane is te soet
soos goedkoop koeldrank sleg vir die siel
ek hou fotos van nirvana in my binnesak
ek spaar om te kan teruggaan
om skulpe op te tel wat sal luister
as jy 'n droom het
kom ons skryf vir mekaar
jy in jou stad, ek 'n posadres ver weg
ons maak daardie afspraak in shambala
waar ons rus vind
op die plaaspad van ons harte.
|
|
|
|
] 
Supertaal
Blog
Soek
Hulp
Lede
Registreer
Teken aan
Tuis
